bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

07/10/2012

In Mores presentant su progetu didàticu Iscola e Logu

Si tratat de laboratòrios in limba sarda pro sas iscolas elementares

Dae su Servìtziu Linguìsticu Territoriale  Logudoro retzimus e publicamus:

Martis, su 10 de santugaine  de su 2012, a sas ses (18.00) de sero, in su tzentru sotziale de Mores, b'est  sa presentada de su progetu didaticu Iscola e Logu, ammaniadu dae sos Servitzios Linguìsticos Logudoro pro sas elementares de Mores.

S’adobiu est contivigiadu dae su Servìtziu Linguìsticu Territoriale Logudoro chi nde faghent parte  sas Comunas de Otieri (capufila) Nughedu, Ardara, Tula, Itireddu, Patada e Mores suta de su coordinamentu sientìficu de s’Istitutu “Camillo Bellieni” de Tàtari.

Cun custu progetu didaticu s’ant a ativare unos cantos laboratòrios sighende sa metodologia CLIL,  impreende sa limba sarda veiculare pro paritzas matèrias de iscola.

Custa atividade est in intro de sas atividades de su Servìtziu Linguìsticu Logudoro inclùdidas in su progetu presentadu dae s’Amm. Comunale de Otieri, cun unu finantziamentu de su Cossìgiu de sos Ministros cunforma a sa lege n. 482 de su 15/12/1999, chi at ativadu s’isportellu linguìsticu subracomunale.

Custas atividades punnant siat a fàghere nàschere cumpetèntzias linguìsticas siat a ispuntorgiare pessamentos e seru culturale nou in mesu de sos tzitadinos in su  caminu de s’amparu e de s’afortimentu de sa cultura nostra. S’amministratzione comunale cheret chi siat sa limba sarda su sìmbulu e su mèdiu prus de importu pro difùndere sos valores de sas comunidades sardas chi s'aberint a s’Europa.

 


#Sarvadore Serra

» in segus