bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

10/08/2012

Unu cursu de limba sarda pro sos chi istant in Santa Justa e in àteras biddas a fùrriu

L'at ammaniadu s'isportellu subracomunale 

Ant ammaniadu unu cursu de limba sarda pro sos tzitadinos de   Santa Justa e de sas àteras comunas chi faghent parte  de s’isportellu linguìsticu subracomunale de sa zona   (Biddaobràna , Ollasta, Pramas, Siamanna, Siipicìa e Tzorfolìu). Su cursu durat   20 oras.  Pro lu sighire non si pagat nudda. Lu contivìgiat  Antoni Nàtziu Garau, de sa Sotziedade Cooperativa L’ALTRA CULTURA de Aristanis. Sa sede  de su cursu l'ant a pònnere in sa bidda  in ue b'at a èssere su nùmeru prus mannu de dimandas de iscritzione. Totu sos interessados podent cumpilare e torrare a sa comuna de  Santa Justa unu mòdulu, chi si podet pedire in sos ufìtzios comunales  o si podet iscarrigare dae  su situ istitutzionale, in s’indiritzu www.comune.santagiusta.or.it),  intro  de chenàbura 31 de austu de su 2012. Chie cheret, lu podet finas imbiare cun sa posta eletrònica a s’indiritzu culturale@comune.santagiusta.or.it. At a èssere  s’Ufìtziu de sa Limba Sarda a fàghere connòschere a sos interessados  su calendàriu e sa sede de sas letziones , chi cumintzant  in cabudanni.


#Sarvadore Serra

» in segus