bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

03/08/2012

Unu documentu in favore de sa minoria linguìstica sarda

L'at aprovadu su Cussìgiu regionale

Su Cussìgiu regionale de Sardigna at aprovadu un'ordine de sa die subra de sa tutela de sa limba sarda,  a pustis de su dibàtidu abertu subra de una motzione presentada dae su cussigeri Amadu. S'assessore de s'istrutzione pùblica Milia at afirmadu chi, bidende " s'atitùdine ipòcrita"  de s'Istadu, bi cheret una batalla unitària pro tutelare sa limba sarda ( e otènnere sos finantziamentos). Sa motzione de Amadu l'ant cumpartzida sos setanta cussigeris presentes e non b'at àpidu perunu votu contràriu. B'at àpidu, in càmbiu, dudas medas. Steri, presidente de grupu de s'UDC, aiat annuntziadu chi, cun un'emendamentu, su parlamentare Mereu (semper de s'UDC) nch'aiat fatu pònnere su sardu in mesu de sas limbas de tutelare. Maninchedda (Psd'Az) l'at isfaulargiadu: "Dae sos atos de sa cummssione resurtat chi b'at petzi una proposta de lege pro Rom e Sint". Sechi, de su Grupu mistu, at naradu, faeddende in catalanu: "No atzetamus su cuntzetu de limba sarda comente minoritària. Sa nostra est una limba chi tenet sos matessi deretos de sas àteras". Contu at ammentadu chi  sa de sa limba sarda est una batalla istòrica de su Cussìgiu regionale, ma at espressadu dudas, mancari votende in favore: "Pro sarvare su sardu no at a servire a pònnere ufìtzios. Sa limba si podet sarvare in una manera ebbia: faeddende·la. Ma oe sos babbos e sas mamas no l'imparant a sos fìgios issoro".

#Sarvadore Serra

» in segus