bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

01/08/2012

Borghezio difendet sa limba sarda

E sos parlamentares sardos ite faghent?

S'esponente de sa Lega Nord Mario Borghezio s'est apelladu  a s'Unione europea pro difèndere sa limba  sarda. ''Su sardu non figurat prus in mesu de sas limbas minoritàrias  de difèndere, comente càpitat, in càmbiu, pro su tedescu  in Alto Adige o su frantzesu  in Valle d'Aosta'', at sutaliniadu  Borghezio in un'interrogatzione  a sa Cummissione europea. ''Su 10 de trìulas coladu, sos parlamentares sardos etotu no ant preeentadu perunu emendamentu  in favore de su sardu - at naradu Borghezio - atzetende de fatu  unu testu de ratìfica  de sa Carta europea de sas limbas regionales  e minoritàrias chi delègitimat  s'insinnamentu  in iscola e sa tzirculatzione sotziale de sa limba isulana antiga''.

Borghezio at pedidu, in prus, crarimentos a sa Cummissione Ue a pitzu de ''comente ant impitadu sos finantziamentos chi diant àere dèvidu  tutelare sa limba sarda''. S'europarlamentare leghista at sinnaladu chi ''s'Unione europea aiat erogadu  128 milliones de èuros  pro finantziare in Sardigna initziativas subra de insinnamentu, promotzione e tzirculatzione de sa limba sarda''. ''paret, duncas - at cummentadu  Borghezio - chi sos finantziamentos mentovados subra  non siant istados utilizados comente si previdiat in su cumintzu''.

Borghezio definit, in fines ''sa valorizatzione de sa limba sarda un'elementu pretziosu e irrenuntziàbile de sa cultura de s'Europa de sos pòpulos '' e pedit  ''s'impinnu  de sos polìticos  de su territòriu  in defensa de sa cultura pròpia e su controllu netzessàriu subra de s'impreu  de sos fundos  Ue desitinados a sa limba etotu'.

#Sarvadore Serra

» in segus