bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

23/07/2012

Su guvernu italianu non discrìminet sa limba sarda

Un'apellu de sa Cunfederatzione Sindacale Sarda

Sa Cunfederatzione Sindacale Sarda faghet un'apellu a su  presidente de sa  Regione, Ugo Cappellacci, a sa Presidenta de su Cussìgiu regionale Claudia Lombardo e a su presidente de sa Cummissione cultura de su  Cussìgiu regionale, Carlo Sanjust, pro un'interventu  "in su Guvernu Monti pro chi ' in sas iscolas sardas siat mantesa sa règula  chi fissat comente  base de càrculu  pro sas Istitutziones Iscolàsticas Autònomas  su nùmeru mìnimu de 400 alunnos cunforma a s'apartenèntzia a sa minoria linguìstica  sarda tutelada dae sa Costitutzione Italiana, dae sas Cunventzione Cuadru de sas Minorias Natzionales  e dae sa Carta Europea de sas limbas minoritàrias chi sunt ratifichende in su Parlamentu Italianu paris cun sas àteras limbas  de sa Lege 482/99".

Custu fatu l'aiat giai denuntziadu su Comitadu pro sa Limba Sarda chi aiat prevìdidu  "s'eliminatzione, cun su decretu de su guvernu italianu a propòsitu de sa revisione de sos gastos pùblicos, de sa limba  sarda comente  paràmetru pro carculare  sos acorpamentos e s'ocupatzione in sas iscolas de Sardigna". "Como -crarit Giacomo Meloni, segretàriu generale de sa Css - , a dolu mannu , sa revisione de sos gastos  curreget sa Lege de  istabilizatzione finantziària 15 de Trìulas 2011, n.111 pretzisende chi 'pro giassos geogràficos  caraterizados dae ispetzifitzidade  linguìstica si intendent cussas in ue sunt presentes minorias de limba materna  èstera"'.

Sa CSS  crarit chi sa  "ditzione de su guvernu italianu, in aparèntzia tècnica, nche torrat sa base de càrculu  pro sas Istitutziones Iscolàsticas Autònomas a su nùmeru de  600 alunnos, determinende de fatu sa cantzellatzione de postos de traballu medas  in sas iscolas sardas e, in particulare, sa cantzellatzione de sos postos de sos operadores chi teniant s'incàrrigu de insinnare e promòvere sa limba e sa cultura sarda". 


#Sarvadore Serra

» in segus