bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

20/07/2012

No est a pònnere sa limba sarda a un'ala

Lu narat s"Italia dei Valori" in un'interrogatzione in su Senadu

Ca l'at pedidu su deputadu Federicu  Palomba, s' "Italia dei Valori" at presentadu un'emendamentu firmadu dae su senadore Fabio Giambrone pro nche mòere sa norma subra de sa revisione de sos gastos pùblicos  chi faghet discrminatzione intre sas limbas minoritariàs reconnotas dae s'Istadu, penalizende s'insinnamentu de su sardu in iscola. . «Su comma chi cherimus mòere  - si leghet in su documentu - intèrpretat in manera assolutamente restritiva e arbitrària  sas normas aprovadas in su 2011 subra de s'istabilizatzione finantziària, individuende comente  "àreas geogràficas caraterizadas dae ispetzialidade linguìstica " cussas "in ue siant presentes minorias de limba materna èstera". A parte sa contradditoriedade de custa definitzione genèrica  cun sa cale si distinghent  cun critèrios cumpletamente discetzionales  sas limbas dae sos chi sunt dialetos ebbia, custa norma,  torrende a giùghere sa base de càrculu pro sas istitutziones iscolàsticas autònomas  a su nùmeru de 600 alunnos, detèrminat de fatu sa cantzellatzione de postos de traballu medas in sas iscolas sardas,  eliminende in particulare sos postos de sos operadores  chi aiant s'incàrrigu  de insinnare e promòvere sa cultura e sa  limba sarda. Pro custu nos auguramus chi s'emendamentu nostru siat aprovadu dae su Senadu  e pedimus chi totu sos senadores sardos fatzant cumbèrghere in custu emendamentu sos grupos issoro de apartenèntzia . In casu contràriu sas Regiones discriminadas, in primis sa Sardigna, s'ant a dèvere difèndere in manera autònoma faghende recursu a sa Corte Costitutzionale».

#Sarvadore Serra

» in segus