bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

06/07/2012

Cherimus sa limba sarda in iscola

Lu narat su cussìgiu comunale de Otzana

Tocat a li dare atuatzione cumpleta a sa lege istatale n. 482 subra de sas limbas minoritàrias, finas ponende in sas iscolas primàrias e segundàrias s'insinnamentu de sas limbas chi caraterizant s'identidade culturale pròpia. Bi l'at pedidu, a sa Regione Autònoma de Sardigna, su cussìgiu comunale de Otzana, chi at aprovadu una delìbera cun sa rechesta de fàghere custu giai dae s'annu iscolàsticu 2013 - 2014. In particulare, su cussìgiu comunale pedit a sa Regione "de intervènnere cun s'Ufìtziu iscolàsticu regionale pro chi diat òrdines pretzisos a sas dirigèntzias iscolàsticas pro agiùnghere  a sa dimanda de preiscritzione su mòdulu pro sa rechesta de s'avvàlere, pro sos fìgios issoro, de s'insinnamentu de sa limba sarda comente narat sa lege 482". Infatis, s'artìculu 4 de custa lege pretzisat chi "In su mamentu de sa preiscritzione, sos babbos e sas mamas narant a s'istitutzione iscolàstica si si cherent avvàlere pro sos fìgios issoro de s'insinnamentu  de sa limba de sa minoria". Custu mètodu, ammentat su cussìgiu comunale, lu sighint dae annos in sas iscolas de Friuli, in ua b'at una situatzione de bilinguismu comente in Sardgna.

#Sarvadore Serra

» in segus