bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

07/05/2012

A su linguista sardu Micheli Còntini sa tzitadinàntzia onorària de Orthullè

Tzerimònia de cunsinna su 1 de maju

Sa comuna de Orthullè, in sessione istraordinària, at cuntzèdidu sa "crae" de sa bidda, sa tzitadinàntzia onorària a su professore emèritu de s'Universidade de Grenoble, linguista sardu famadu in su mundu de sas limbas, autore, in mesu de àteras òperas, de su Ètude de géographie phonétique et de phonétique instrumentale du sarde. In prus de èssere membru de su Atlas linguarum Europae, oe est diretore de s'ALIMUS, Atlante linguìsticu multimediale de su Sardu, un'òpera colossale galu a cuncruire e chi at a èssere a disponimentu in sa Rete.
Contini est istadu premiadu in Orthlullè pro sos mèritos comente linguista, mescamente ca at inclùdidu in sos istùdios suos finas sa variedade de custa bidda.
Paris cun Contini, est istadu premiadu cun su matessi Onore, su prf. Giovanni Ruffico, professore de s'Universidade de Palermo e direttore de s'Atlante linguìsticu sitzilianu.
Moderadore de s'eventu fiat su prof. Nicola Tanda.
Ambos premiados ant leadu sa paràula pro torrare gràtzias a sa Comuna de Orthullè. Est craru chi prof. Contini l'at fatu in sardu e bene!
Pustis de sa tzerimònia at leadu sa paràula calicunu de su pùblicu, Antoni Canale, segretàriu de su Premiu Otieri, Diegu Corràine, segretàriu de sa Sotziedade pro sa Limba Sarda, chi at ringratziadu a prof. Contini pro sos istùdios suos e pro sa collaboratzione indispensàbile chi at dadu in sos issèberos in intro de sa Cumissione de sos istudiosos de sa norma iscrita de sa Limba Sarda Comuna /LSC, deliberada dae sa Giunta regionale su 18-4-2006.
Prof. Contini at ringratziadu ammentende chi pro su tempus venidore de su sardu est pretzisu chi totus, giòvanos e mannos, faeddent semper in sardu, ma finas chi non si podet fàghere a mancu de una norma iscrita de referèntzia comente sa LSC pro s'ufitzialidade e modernidade de sa limba sarda.

#Diegu Corràine

» in segus