Pro pònnere in contu sas traditziones de su logu e sa limba sarda, sa Comuna de Gùspini at abertu s'ufìtziu linguìsticu, in  ue sos operadores sunt giai a disponimentu de sa gente pro arresonare e iscrìere in sardu. S'apuntamentu  est fissadu su martis e sa giòvia, dae sas noe a sas duas, e at a èssere garantidu finas a su 31 de nadale de ocannu. S'ufìtziu faghet parte de unu progetu prus mannu de sa Provìntzia  de su Campidanu Mèdiu chi punnat a sa defensa de sa limba sarda, de acordu cun sas comunas chi ant firmadu s'intesa. Sas atividades  tenent s'obietivu de fàghere comunicare e cumprèndere  sa limba sarda a unu pùblicu semper prus mannu, e de imparare  a sa gente a redatare testos,  a cumpilare mòdulos  e a fàghere tradutziones. In prus, s'ufìtziu at a èssere unu puntu de mòida  e de riferimentu pro àteros progetos medas, comente sos laboratòrios de letura in sardu pro sos piseddos.