bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

03/02/2012

Vìvere sos libros in Lei

Aprovadu su progetu de s'Ufìtziu de sa limba sarda

S'amministratzione comunale de Lei at aprovadu su progetu "Vivimos sos libros" propostu dae s'Ufìtziu pro sa limba sarda de sa bidda. Sa giunta at incarrigadu sos ufìtzios de sa comuna de fàghere andare a dae in antis sas propstas bogadas a campu in su progetu, cun s'idea  de fàghere partetzipare sas iscolas a sas atividades de valorizatzione e difusione de sa limba sarda.
Comente prima cosa, ant a rilegare e imprentare a colores  50 libros e 5o ischedas plastificadas  de dare a totu sos iscolanos.
Pustis, ant a fàghere unu laboratòriu in ue ant a leare parte finas sos babbos e sas mamas e sos giajos de sos piseddos.
S'obietivu est a unire s'atividade lùdica a unu mamentu de riflessione a pitzu de sa trasmissione intergeneratzionale de sa limba sarda.


#Sarvadore Serra

» in segus