bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

20/01/2012

B'est torra su cuncursu de poesia de sas Tzircuscritziones 2 e 3 de Tàtari

Est sa de ses editziones

Iscadit su trintunu de ghennàrgiu chi benit  su tèrrmine pro leare parte in sa de ses editziones  de su Cuncursu de poesia in limba sarda ammaniadu dae sas Tzircuscritziones duas  e tres de Tàtari  
In su cuncursu b'at duas setziones:
• Setzione A: aberta a totus
• Setzione B: petzi pro sos iscolanos  de s'iscola de s'òbligu
S'argumentu est lìberu. Podent partetzipare sas pessones sìngulas ebbia, e non sos grupos, cun una, màssimu duas, òperas mai publicadas e mai premiadas in àteros cuncursos. Si podet iscrìere finas in aligheresu o in tabarchinu, ma est obligatòria sa tradutzione.
Sos traballos, anònimos, de non prus de baranta versos (cun unu màssimu de chimbanta pro sa poesia traditzionale), contrassinnados dae una paràulas de òrdine  o dae unu paranùmene, cherent imbiados   in ses còpias iscritas a màchinas (o fotocòpias chi si podent lèghere) inditende in sa  busta de foras sa setzione chi si bi leat parte. Sa paràula de òrdine  o su paranùmene, su tìtulu de s'òpera, sas generalidades de s'autore, su nùmeru de telèfonu e s'indiritzu de posta eletrònica si unu lu tenet, cherent iscritos in unu fògiu e postu in intro de una busta serrada e non trasparente, de inclùdere in su plicu de ispedire, cun posta prioritària (faghet fide su timbru postale), intro e non prus a tardu de su trintunu de ghennàrgiu a custu indiritzu:

6° CONCORSO DI POESIA IN LINGUA SARDA
Sezione (A o B)
Circoscrizioni n° 2 e n° 3 di Sassari
Via Era, Li Punti 07100 SASSARI


#Sarvadore Serra

» in segus