bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

13/12/2011

Sa Cunferèntzia de sa limba sarda de S'Alighera

Unas cantas osservatziones de su Comitadu pro sa limba sarda

Su Comitadu pro sa limba sarda at fatu unas cantas osservatziones a propòsitu de sa cunferèntzia pro sa limba sarda chi ant fatu in S'Alighera.

De custa cunferèntzia, si leghet in unu comunicadu,  su Comitadu vàlutat in manera positiva  su cumplessu de sas diferentes sessiones de sos traballos e,  in particulare, sa prima die dedicada  a sa mùsica natzionale sarda e a sa poesia, traditzionale  e moderna,  comente veìculu de vitalidade de sa limba  sarda e de sas limbas alloglotas.

In particulare, sighit su comunicadu, in prus de sas esibitziones  e decraratziones  de calidade arta  de sos artistas cramados  a  espressare sas positziones issoro  subra de sa limba  sarda, su Comitadu at retzepidu  su cursu nou rapresentadu dae s'assotzianismu  de sos grupos  a tenore, de poetas  sardos  e musitzistas traditzionales,  e sa voluntade issoro  de leare parte in su Movimentu linguìsticu generale comente portadores  de interessos  e comente  fautores de polìticas linguìsticas chi , moende dae sas esperièntzias e dae sas esigèntzias issoro, punnant a fàghere intrare,  paris cun sa limba sarda e sas alloglotas,  finas sa mùsica, su ballu  e sa poesia in sas iscolas sardas , pro chi sos giòvanos potzant  afortire e recuperare s'identidade natzionale e sa cultura issoro.


#Sarvadore Serra

» in segus