bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

29/10/2011

Unu cursu de limba sarda in Sarrocu

L'at ammaniadu sa Comuna

Gràtzias a sas leges chi amparant  sa Limba Sarda (Lege Regionale 26/97 e Lege Istatale 482/99), e pro agiuare  su bilinguismu in Sarrocu, est a puntu de cumintzare unu  cursu pro sos chi istant in  sa bidda  e pro sos impreados de sa  Comuna. Custos sunt sos argumentos:

  • Istòria de sa limba  sarda e de sas limbas  minoritàrias
  • Gramàtica sarda pro iscrìere, faeddare e lèghere in sardu
  • Sa grafia e sa fonètica
  • Tradutzione sardu-italianu e italianu-sardu
  • Istùdiu de su vocabulàriu

Pro frecuentare  non si pagat nudda. Su cursu cumintzat su tres de santandria   e agabbat su bintinoe de nadale de ocannu. Sas letziones sunt cada giòvia in sa  sala asula de sa Biblioteca Comunale, dae sas tres  a sas ses de merie.


#Sarvadore Serra

» in segus