bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

27/10/2011

Una ludoteca in sardu

S'initziativa est de sa Comuna de Sàrdara

Sa Comuna de Sàrdara, Assessoradu  pro sas polìticas sotziales – servìtzios  educativos – ludoteca, cun sa collaboratzione  de s'Assessoradu Cultura- Ufìtziu promovimentu e tutela limba sarda – isportellu linguìsticu, at incaminadu su Progetu "Fueaddus su sardu gioghendi".
Comente s'ischit, s'imparòngiu  de sa limba minoritària est un'elementu fundamentale pro afortire  su sentimentu de apartenèntzia  a sa comunidade  e s'arraighinamentu  in su  territòriu. Custos elementos, tando,  tenent un'importu mannu a beru pro una crèschida ecuilibrada e curreta de s'individu.
S'idea, duncas, est a afortire s'identidade culturale ispetzìfica cun s'acuisitzione  de sa cussèntzia  de s'importàntzia  de su sensu de apartenèntzia a sa colletividade,  introduende sa  limba sarda e ponende in contu sas richesas identitàrias.
Custos sunt sos obietivos ispètzificos:
- a recuperare s'impreu, in sa cuotidianidade, de sa limba sarda;
- a ischire ascurtare  frammentos idòneos  cun cuntenutu diferente  in limba sarda (libros e documentos multimediales);
- a cunchistare un'atitùdine  responsàbile e cussente  chirru a sa  cultura locale;
- a isvilupare su sensu de identidade personale e apartenèntzia a su grupu de riferimentu, a sa comunidade  locale, a sa cultura pròpia;
- a dare torra valore a s'identidade  culturale sarda;
- a isvilupare capatzidades linguìsticu-espressivas  cun s'impreu veiculare de sa limba sarda;
- a avvalorare s'esperièntzia  ponende in  contu  sas famìlias  de  sos pitzinnos interessados.
Su progetu, tando, punnat  a fàghere sas atividads lùdicas normales in limba  sarda in càmbiu de impitare s'italianu (in sas oras/dies dedicadas  a su progetu matessi ) .
Si punnat a cunsighire  custos obietivos cun sa redatzione  de unu giornaleddu in limba  sarda, finas de pagas pàginas, subra de argumentos isseberados tenende contu de su chi cherent sos pitzinnos.
Su traballu l'ant a documentare  in materiale de pabiru (su giornaleddu etotu) e, forsis, finas multimediale.
 

#Sarvadore Serra

» in segus