bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

16/09/2011

Sa comuna de Tèmpiu at adderidu a su progetu de sa limba sarda

Sunt giai cumintzados sos cursos de formatzione

Sa comuna de Tèmpiu  at adderidu  a su progetu  de sa limba  sarda, cunforma a sa lege istatale  de tutela de sas minorias linguìsticas (lege 482/1999). S'ufìtziu linguìsticu interessat trèighi  comunas de sa Provìntzia e cheret promòvere s'impreu orale e iscritu de sa limba  sarda e de su gadduresu cun  addòvios, cunferèntzias, presentadas de libros e projetzione  de curtometràgios, siat in intro  de s'amministratzione siat in sos  raportos cun sos tzitadinos in totu sos àmbitos  e in totu sas ocasiones  de vida polìtica, sotziale, econòmica e culturale.


In su progetu b'at  sa D.ssa Giuanna Tuffu,  responsàbile de s'Ufìtziu de sa  limba sarda, e sa D.ssa Giuanna Frantzisca Piras, chi cùidat  sos cursos de formatzione destinados  mescamente a sos dipendentes  de sas comunas  de Tèmpiu, Badesi, Sant'Antoni, Lungone e Logusantu, chi ant adderidu a su progetu, e a totu sos tzitadinos interessados a bi leare parte.


S'Ufìtziu de sa limba  sarda est abertu  su primu  e su de tres  lunis de su mese dae sas 9:00 a sas 14:00 in sa Biblioteca Comunale de Tèmpiu; sos cursos de formatzione, in càmbiu, sunt cumintzados   mèrcuris su batòrdighi de cabudanni dae sas  9:00 a sas 14:00 in sos matessi locales.


#Sarvadore Serra

» in segus