bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

26/08/2011

Torrant a cumintzare in Sìnnia sos cursos de limba sarda

Su servìtziu ativadu finas in s'Ufìtziu de su Giùighe de Paghe

Sa Comuna de Sìnnia, pro su de bator annos unu infatu de s'àteru, at ativadu su servìtziu linguìsticu (ufìtziu de sa limba sarda e cursu de sardu); ocannu custu matessi servìtziu est ativu finas inche s'Ufìtziu de su Giùighe de Paghe.

Sìnnia est una bidda inserida in un'unione de comunas chi nde faghent parte Biddesartu (ghia), Brucei, Maracalagonis e Muravera; custa unione at otentu unu finantziamentu apòsitu dae s'Istadu in s'àmbitu de sa lege 482/99 pro sa tutela de sas minorias linguìsticas istòricas. Sa matesi lege e su matessi finantziamentu, macari otentu cu una protzedura diferente, bi sunt pro s'Ufìtziu de su Giùighe de Paghe de Sìnnia.

Su servìtziu linguìsticu cunsistit in sa tradutzione in sardu de atos pùblicos, manifestos, cartellos e, prus in generale, de sos documentos destinados a sa populatzione S'ufìtziu de sa Limba Sarda de sa Comuna est abertu a su pùblicu cada martis dae sas noe a sa una inche su CeSIL, a pee pranu de su Munitzìpiu. S'Ufìtziu de sa Limba Sarda de su Giùighe de Paghe est abertu cada lunis dae sas noe a sa una, inche sa sede di carrera de Rossini. Pro esigèntzias particulares si podent cramare sos operadores pro fissare u'addòviu finas in foras de custos oràrios, e totu sos servìtzios de s'ufìtziu sunt disponìbiles finas pro sos tzitadinos e sos amministradores de àteras comunas chi pro como no nd'ant.
Ambos duos sos ufìtzios ant a tènnere unu situ informàticu pro nd'agiuare s'atividade.

Sos cursos de limba sarda de ambos duos entes ant a resurtare integrados, a manera chi dipendentes e tzitadinos potzant sighire ambos duos, cun unu nùmeru prus mannu de oras, o potzant isseberare, semper e cando, intre unu nùmeru prus mannu de dies e oràrios. Su cursu de sa Comuna, chi cumintzat su 29 de austu, est su lunis e sa chenàbura dae sas bator a sas sete de merie (pro unu totale de 42 oras) inche sa Biblioteca Comunale; su de su Giùighe de Paghe, chi cumintzat su 30 de austu, est cada martis e giòvia dae sas tres a sas chimbe e mesu de merie inche sa sede de carrera de Rossini


#Sarvadore Serra

» in segus