Sa pellìcula (una coprodutzione Iràk/Itàlia/Isvìtzera) est ambientadu in s'Iràk de su 1988 e comente tema tenet s'amore intre unu curdu (Sherko) e un'àraba (Najla), chi si torrant a addoviare a pustis de s'èssere connotos in Roma.
Est pròpiu s'època de sa peus repressione contra a su pòpulu curdu: su 16 de martzu de su 1988 s'esèrtzitu irachenu atacat sa tzitade de Halabja, belle totu abitada dae curdos, cun armas chìmicas e bateriològicas. Una cantidade de mortos istremenada: in 5 oras sos tzivile mortos innotzentes sunt prus de 5000, de cada edade.
S'amore de sos dusos protagonistas creschet paris cun sa resistèntzia curda, finas a sa morte de issa.
Sa pellìcula de Kamkari est galana: faeddat de amore sena milindru, descriet sa situatzione irachena sena mustrare, a mala gana, sàmbene in totue. Ma, in su matessi tempus, mustrat s'òdiu mannu chi medas àrabos tenent contra a sos Curdos.
Sa pellìcula est sa prima coprodutzione internatzionale girada in Iràk dae su cumintzu de custa gherra. Sa colunna sonora est cumpoista e sonada dae su grupu multiètnicu romanu Orchestra di Piazza Veneto.
Fariborz Kamkari (1975), iscenegiadore e regista curdu màschidu in Iràn e residente in Itàlia, in ue istat e traballat, s'est laureadu in regia e in literadura dramàtica. At ideadu e diretu cortometràgios meda e est autore de iscenegiaduras pro su tzìnema e sa televisione. Sa pellìcula "I fiori di Kirkuk", su segundu longumetràgiu suo, l'ant presentadu in s'ùrtimu Festival de su tzìnema de Roma.
In ghennàrgiu at a èssere publicadu unu DVD e CD cun pellìcula e colunna sonora.
Pro àteras informatziones:
www.coopereditore.it
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.