bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


26/05/2014

Sos "indipendentistas" e "soberanistas" sardos imparent a beru dae Catalanos, Bascos e Galitzianos.

de Diegu Corràine

In custas oras post-eletorales europeas acuntesset de lèghere messàgios, mescamente in FB, de unu muntone de "indipendentistas" sardos "arretos" ca in Catalugna e Paisu Bascu ant bintu in sas Europeas sas formatziones indipendentistas!

Mancu unu de custos, però, chi narat chi sos Catalanos e sos Bascos sunt gherrende  pro s'autodeterminatzione ca tenent una cussèntzia natzionale forte formada in s'unidade de sa limba natzionale issoro, chi tenet, mancu male, una norma iscrita ùnica. Catalanos, Bascos, e finas Galitzianos, pràticant su "deretu de detzìdere" cada die cun sa limba issoro normativizada.

E nemos, de custos, chi narat chi su prus de custa fortza lis derivat, a Catalanos, a Bascos e Galitzianos, dae custu "motore" de unidade natzionale chi est sa limba unitària!

Forsis no l'ischint (o faghent sa finta de no l'ischire). E forsis est pro custu chi una parte de custos sardos chi si definint "indipendentistas" e "soberanistas", gherrant in manera autolesionista e localista contra a s'unidade de sa limba sarda. E sèmenant òdiu contra a àteros sardos chi sunt faghende sa parte issoro pro afortine sa limba sarda.

Ma ite tenent in conca?


#Diegu Corràine

» in segus