bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


21/05/2014

DIE DE SA SARDIGNA e LIMBA SARDA COMUNA

de Diegu Corràine

A bos l’ammentades, in su 1993, cando sa RAS at istituidu sa DIE DE SA SARDIGNA, sa cuntierra cumintzada dae sos contràrios? Naraiant chi sa data istabilida (su 28 de abrile de su 1794) non fiat un’issèberu bonu, ca ammentaiat un’istòria de cunflitu. 

E nde proponiant semper àteras. Ma no nde lis andaiat bene mancu una. 

Deo apo semper pessadu chi cale si siat data alternativa no los diat àere acuntentados, ca sa contrariedade issoro fiat a tènnere una FESTA NATZIONALE SARDA. Su malu non fiat sa “data” ma s’idea matessi de dare fundamentu a unu reconnoschimentu annuale de sa Natzione Sarda.

Sos contràrios a s’idea matessi de tènnere una norma iscrita comuna

In sa matessi manera, pesso chi, como, sos contràrios a sa Limba sarda comuna sunt contràrios a s’idea matessi de tènnere una norma iscrita comuna, un’istandard iscritu ebbia de una Limba natzionale ufitziale. 

Duncas, no est a sa norma atuale de LSC chi sunt contràrios (chi est una forma chi podet èssere semper cambiada, comente solutzione cuncreta), ma sunt contràrios a s’idea matessi de una limba natzionale. Est pro custu chi, in definitiva, nde proponent duas, tres. etc, bastis chi non siat 1!

B'at un'àtera genia de contràrios a sa LSC: sos chi cherent sa limba personale issoro leada a modellu!


#Diegu Corràine

» in segus