bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


25/03/2013

S'ideologia istatalista e individualista e sos deretos colletivos

de Diegu Corràine

S'ideologia de su M5S e de sos àteros movimentos e partidos istatalistas preferit a pònnere comente referente de s'atzione issoro sa "pessone" e sos deretos individuales. Custu ests capitende in s'Istadu italianu ma finas in àteros istados de s'Otzidente.

E pro custu non cumprendent sas gherras de sas natziones in cherta de liberatzione in intro de sos istados-presone issoro e timent a bentu sas gherras pro sos deretos colletivos, comunitàrios, natzionales, culturale, linguìsticos, a s'ispissu definidos de destra e cunservadores.

E, tando, non tenent sensibilidade (antis ostàculant) sas gherras pro sos deretos colletivos, pro sos deretos de pòpulos, natzione e limbas, comente càpitat finas in Sardigna.

Non nos devimus ispantare de totu custu, ma non nos devimus istracare de lis crarire chi sas gherras nostras sunt giustas e chi, in Sardigna o in logos de àteras natziones, su natzionalismu de liberatzione devet èssere agiuadu dae chie s'oponet (a su chi narant custos movimentos) a su podere de sa globalizatzione.


#Diegu Corràine

» in segus