bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


02/08/2012

Ma su Prèmiu OTIERI est in antagonismu o nono cun sa LSC?

de Diegu Corràine

In s’art. de su Corsera de carchi die a como, F. Brevini repitit cosas chi amus intesu chentu bortas dae N. Tanda, in contu de Prèmiu Otieri, chi est presentadu comente depositàriu de una norma iscrita in antagonismu e alternativa a sas normas isperimentales LSC de sa RAS. In custa manera, in su panorama linguìsticu sardu, s’Otieri arriscat de èssere "istrumentu" de sa contrariedade personale de N. Tanda pro sa Lsc e, duncas, de èssere presentadu comente su rapresentante de totu sos contràrios a sa Lsc.

Giai s’Otieri no at fatu figura bona premiende una pariga de annos a como a F. Brevini, un’espertu de literaduras dialetales italianas (pustis de 40 annos chi amus gherradu pro cunsiderare su sardu comente limba, finas a sa 482/99), e como arriscat de peorare sa fama bona chi at tentu finas a como. 

Si no est gosi, forsis s’Otieri lu diat dèvere nàrrere in manera crara e definitiva: chi no est contra a sa LSC e non cheret èssere in antagonismu o alternativa cun issa.


#Diegu Corràine

» in segus