bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


20/07/2012

VIÀGIU FILS A BARTZELLONA: Ringratziamentos

de Diegu Corràine

A pustis de carchi die de pasu fìsicu (e de conca!), chèrgio torrare gràtzias a sos allievos chi b'ant leadu parte (chi ant sighidu cun interessu, curiosidade e… ispantu totu sas atividades), a sos amigos catalanos (cumintzende cun Joan Elies Adell Pitarch, chi at traballadu e acumpangiadu in Catalugna pro nos acasagiare bene), a sos dirigentes e funtzionàrios de sos Entes linguìsticos catalanos (chi nos ant retzidu in manera sèria e sientìfica), a sos tutores de su Fils (Pàula Deriu e Pepe Molinu), a su Prèside Giùliu Paulis chi at crèidu meda in su viàgiu nostru e, mescamente a su Servìtziu Limba Sarda ghiadu dae Pepe Coròngiu de sa RAS (Assessoradu de sa Cultura), chi at agiuadu a istabilire sas lìnias de Polìtica Linguìstica de sos ùrtimos annos chi includent finas sa formatzione FILS fata dae UniCA (ma non dae UniSS!). Est sa RAS chi at chertu e pagadu sos cursos Fils e non su contràriu!
Isperemus chi su viàgiu nostru e su cunfrontu chi amus tentu nos ant a agiuare finas a riformare Fils e su raportu/funtzione de custos cursos cun sa presèntzia bera de su sardu in iscola.
Creo chi sos profetos de su viàgiu siant istados prus mannos de carchi difetu organizativu. In s'ammentu ant a abbarare prus sos profetos.
Creo, in fines, chi s'efetu posìtivu de su viàgiu s'at a bìdere in su tempus, mescamente in sas ideas, initziativas, mannas o minores, chi ant a bènnere a cada unu de sos partetzipantes.
Su nostru no est istadu unu viàgiu linguìsticu, ma de "polìtica" linguìstica, pro bìdere comente faghent àteras limbas e natzionesa guvernare, afortire e ufitzializare sa limba pròpia issoro.
Cùngio, duncas, cun un'augùriu: A nde fàghere àteros de viàgios pro istudiare àteras polìticas lingìsticas!


#Diegu Corràine

» in segus