bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


30/05/2012

Limba in iscola in sas Baleares e in Sardigna

de Diegu Corràine

In s'iscola de Catalugna, sa polìtica de immersione linguìstica pertocat totu sas iscolas. In pràtica, totu sas matèrias sunt in catalanu, francu duas oras de castiglianu sa chida. 

In sas Baleares, cun sa majoria polìtica noa in manos  de su Partido Popular, ant impostu a sas iscolas sa possibilidade de isseberare cale limba pro sos fìgios. Resurtadu: petzi unu 7% de sos babbos de iscolanos de 3 annos  de istituto pùblicos at isseberadu chi sos fìgios imparent a lèghere e a iscrìere in castiglianu. In sas iscolas "concertadas" (privadas) arribbat a su 3,% ebbia!

Duncas su sindicadu de sos insinnantes reclamat chi, in base a custu issèberu craru de sas famìlias in favore de su catalanu, su guvernu de su PP l'agabbet cun sa polìtica de issèberu "lìberu", chi àteru non diat èssere si no unu tentativu (fallimentare) de minimare sa presèntzia de su catalanu in s'iscola.

Morale pro sa Sardigna: non de essere comente in Catalugna, ma non semus mancu comente in Baleares, in contu de limba. Su sardu in s'iscola non b'est! Est inùtile a nos lu cuare a pare. Pagu contant sos pagos esperimentos de sardu curricolare, si no interessat totu sas iscolas de s'ìsula, in manera normale e generale. Chissai si pro annoas amus a resessire a "animare" sa diretzione iscolàstica regionale sarda a pròponnere s'issèberu de su sardu fatu in s'ischeda dae sas famìlias. Ma pro otènnee a su nessi custu, diat tocare a si mobilitare totus giai dae como, sena isetare s'ùrtimu mamentu, comente s'annu passadu.

Ma si devent mòere sas pessones, sas famìlias, sos moimentos, sos partidos.

Bidimus chie at a essere capatzu de fàghere e ite at a èssere capatzu de fàghere!


#Diegu Corràine

» in segus