bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


24/04/2012

Situatzione sotziolinguìstica sarda e tempus venidore: SUSTITUTZIONE LINGUÌSTICA?

de Diegu Corràine

Cunforma a sa chirca sotziulinguìstica de sa RAS de su 5-5-2007, su 68,4% de sos Sardos connoschet e faeddat una variedade de sardu, ma petzi unu 13% de sos pitzinnos lu connoschet e lu faeddat!
Arriscamus de èssere a puntu de cambiare limba, dae su sardu a s'italianu. Mi timo chi in custos ùrtimos 5 annos dae sa chirca, sos chi faeddant in sardu siant falende dae 13%, forsis a s'11% o a su 10%,etc. 

Pro sa prima bia in s'istòria nostra, arriscamus de iscumpàrrere comente limba.

A cunfrontu cun custos arriscos e perìgulos: 
A) calu de FAEDDADORES e de sa CALIDADE LINGUÌSTICA.
B) Peruna TRASMISSIONE INTERGENERATZIONALE,
petzi una POLÌTICA LINGUÌSTICA URGENTE, coerente, cumplessiva, pervasiva, de immersione belle monolìngue sarda (chi pòngiat sa limba comente elementu primu istratègicu de s’isvilupu soveranu) PODET PARARE FRONTE A CUSTA CATÀSTROFE. Ma cun chie?
Sos PARTIDOS italianos? indiferentes o contràrios!
Sos PARTIDOS sardos? Bidimus:
a) calicunu est in favore a paràulas, ma non faghet nudda (o pagu) in sos fatos; b) àteros si perdent in anàlisis fallimentares o istrambòticas. Belle semper ponent su sardu petzi in manera simbòlica ma faghent su restu in italianu. In pràtica agiuant s'italianu a èssere sa limba "natzionale" de sa Sardigna, non su sardu. Totu su contràriu de s'indipendentismu chi proponent.

Cumintzamus a èssere indipendentes in conca e in buca, in pràtica e no cun sos faeddos ebbia, in cada ocasione e in cada campu.
E, mescamente, proamus a nos organizare in foras de sos partzidos e moimentos.

#Diegu Corràine

» in segus