bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


20/10/2010

SOS BATOR MOROS: Sìmbulu firmu de sa natzione sarda

de Diegu Corràine

Paràulas e sìmbulos tenent valores a bias casuales, a bias arbitràrios. A bias càmbiant valore de su totu  o càmbiant utilizadores. A bias sunt frutu de caminos e istòrias cumplessas.  Comente narant sos linguistas pro sas paràulas, chi podent cambiare significadu ma non significante. Pessamus a sa crughe chi, dae istrumentu de morte pro sos romanos s’est cambiadu in sìmbulu de su cristianèsimu. Su latinu matessi, dae limba de s’opressore s’est cambiada in limba ufitziale de sa Crèsia. Antis, su latinu est sa base e sa sustàntzia de sas limbas romànicas, finas de su sardu. E non bi cherimus rinuntziare petzi ca amus “iscobertu” chi benit dae sa limba de s’impèriu romanu!

E gasi, ischimus dae semper chi sos bator moros sunt de orìgine aragonesa, chi sunt istados su sìmbulu de su Rennu de Sardigna. Custa est s’istòria.  Ma unu protzessu cumplessu at giutu sos Sardos, e sos chi sardos non sunt, a identificare sos Bator Moros cun sa Natzione sarda. E no lu cherimus cambiare  pro nde tènnere un’àteru, pro mègius chi siat. Ca, a cambiare sìmbulos cando funtzionant e sunt ligados a s’identidade de una natzione non cumbenit: est una règula fundamentale de sa comunicatzione sotziale e... de sa publitzidade.

#dsc

#Sarvadore Serra

» in segus