bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


20/10/2010

“M’agradat sa limba sarda...”

de Paco Fernandez Rei

Ca, essende istudente de Linguìstica Romànica in sos annos 70, tenia curiosidade pro una limba gasi arcàica (“parcu naturale de sa Romània” cun paràulas de Jud), una limba chi nant chi teniat petzi literadura orale, ma chi cumpariat in sas classificatziones de su mundu neolatinu, cando chi sa limba mea, su galitzianu, chi teniat literadura, non fiat presente. Cando, in su 1982, in Madrid, apo comporadu sa Grammatica del sardo-nuorese de Massimo Pittau, apo pòdidu tènnere in manos custu “parcu naturale” chi connoschia pagu a beru. A pustis, sa letura de traballos linguìsticos de Blasco Ferrer, Contini o Wolf, sas propostas de codificatzione de Corràine e sas anàlisis sotziolinguìsticas de Corvetto, Rindler Schjerve o Lörinzci m’ant cunsentidu de intrare in su “padente” linguìsticu sardu e in sa cumplessidade sotziale sua.

Ca, in sos annos 90, apo connotu unu sardu interessadu a su galitzianu, Diegu Corràine, chi m’at trasmìtidu sa passione manna sua pro sa limba e sa cultura sardas. A fines de sa dècada colada, ghiadu dae Diegu, apo connotu fisicamente sa Sardigna e sa produtzione editoriale moderna in sardu, apo faeddadu cun gente chi faghiat materiales pro sa didàtica de su sardu, cun gente chi etichetaiat binu in sardu e apo cumintzadu a ascurtare e gosare càntigos in sardu, mescamente de Elene Ledda. Totu custu m’at agiuadu a crèschere sa simpatia mea pro una realidade sociolinguìstica minorizada chi, dae annos, so trasmitende a sos alunnos meos de s’Universidade de Santiago de Compostela.

Paco Fernadez Rei
(vitzesegretàriu de sa Real Academia Galega e Catedràticu de Filologia Romànica  in s’Universidade de Santiago de Compostela)

[dae EJA, abrile 2010]

#Sarvadore Serra

» in segus