bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


13/07/2011

Chie non cheret su sardu ufitziale

de Diegu Corràine

Comente protagonista de sos atacos a s'impreu ufitziale de su sardu, a ùrtimu s'est agiunta s'Universidade de Tàtari, agiuada deretu dae sos inimigos sòlitos de su sardu. Cando istudentes e istitutziones pedint chi finas s'Universidade fatzat sa parte sua, proponende sas matèrias finas in sardu, issos rispondent aungende sos peus pregiudìtzios contra a una norma iscrita de su sardu, pro cuare s'incapatzidade reale issoro de fàghere iscola in sardu. Pro evitare chi sa gente iscobèrgiat chi non sunt capatzos, chircant de iscostiare sa mèria a aterue, como contra a sa Limba Sarda Comuna. Timent chi calicunu lis nàrgiat: "ite nche faghides in cue, si no nd'ischides"? Duncas, pessonàgios chi sunt semper istados contra a s'impreu ufitziale de su sardu, como si la leant contra a sa Lsc, faghende crèere chi siat custu su problema e chi siant issos sos difensores beros de su sardu. In realidade sunt contràrios de su totu a s'impreu de su sardu, cale si siat norma iscrita chi propongiamus, Lsc o nono. Ca issos s'istandard lu tenent giai e si lu cherent difèndere, a cale si siat costu: s'italianu!


#Diegu Corràine

» in segus