bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


01/07/2011

Sa cuntierra cun Equitalia

de Giuanne Luisu Stochino

Duos annos sunt colados dae cando est incumintzada
una gherra noa pro s’economia sarda:
sa cuntierra cun Equitalia. Sunt prus de 70000
sas impresas cuntestadas dae s’ente pùblicu de
riscossione tributos. Totu est incumintzadu
cun sa crisi econòmica de custos annos: sas
aziendas non resessint prus a pagare sas tassas
ca no ant dinare, tando si presentat Equitalia.
Sos dèpidos pertocant IVA, INPS e INAIL e
sunt arribbados oramai a prus de 830 mln de
èuros. Sos imprendidores sunt disisperados in
dae in antis de una situatzione chi pro commo
paret chene solutzione. De su problema
s’est interessadu IRS chi at fatu un’espostu a sa
Magistradura: diat pàrrere puru chi sos missos
notificadores siant irregulares, assuntos sena
formatzione e cuntratu a tempus determinadu,
duncas pro lege non tenent su deretu de fàghere
riscossione. “Sa cosa est curiosa meda, ca una
parte de sos dèpidos pertocat pròpiu s’INPS chi
Equitalia non pagat a sos dipendentes suos”, narat
Gavino Sale de IRS.
Su partidu indipendentista at giai organizadu
unas cantas manifestatziones in dae in antis de
de Equitalia in Tàtari e in Casteddu e finas a como
sos resurtados non sunt istados mannos ca
s’ente narat chi devet intervènnere su Guvernu,
issos sunt petzi “esecutores”. IRS pedit chi siat
reconnota s’impossibilidade ogetiva de pagare,
duncas una moratòria de sos pagamentos e
s’ammortamentu de sos interessos dae s’ora chi
s’Istadu devet dinare meda a sa Sardigna pro su
contu de sa vertèntzia “intradas”.
Finas a como Equitalia at pòdidu dare petzi
una rateizatzione ma, pustis de sa manifestatzione
de Casteddu de su 14 de abrile, ant
cuntzessu unu tèrmine prus longu pro pagare.
Sos imprendidores sunt bastante cuntentos
de custu resurtadu ma su problema abbarrat
galu. Sa crisi sighit e sos dèpidos s’ant a presentare
torra. Sa rateizatzione de 72 mensilidades
giai cuntzessa no est servida meda ca a sa segunda
iscadèntzia non rispetada Equitalia aviat
sas protzeduras de riscossione coata chi tocat
s’istipèndiu, su rèdditu personale e sa prima
domo.
giuanne luisu stochino
[dae Eja, maju 2011]

#Sarvadore Serra

» in segus