bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


11/04/2011

A cando sa ratìfica italiana de sa Carta europea de sas limbas?

de Diegu Corràine

Sa Carta Europea de sas Limbas Regionales o Minoritàrias / CELRM, aberta a sa firma de sos istados membros de su Cussìgiu de Europa su 5/11/1992 e intrada in vigore su 1/3/1998 cun sas primas 5 ratìficas, como aribbadas a 25 (prima sa Norvègia su 10/11/1993, ùrtima sa Bòsnia-Erzegovina su 21/9/2010), a oe resurtat firmada ma non ratificada dae 8 istados (Azerbaigiàn, Frantza, Islanda, Itàlia, Matzedònia, Malta, Moldova, Rùssia), ratificada dae 25. No ant firmadu nen ratificadu 14 istados (Albania, Armènia, Bèlgiu, Bulgaria, Estònia, Geòrgia, Grètzia, Irlanda, Letònia, Lituània, Mònacu, Portugallu, Santu Marine, Turchia). Ma ne Itàlia, nen Frantza, ne àteros ant decretadu sa ratìfica! Sinnale chi sos guvernos espressados dae sas majorias (chi siant de dereta o de manca ) si nd’afutint de sos deretos democràticos in contu de limba de sos tzitadinos issoro. E nàrrere chi medas tenent ite nàrrere in contu de deretos democràticos de àteros istados!

Finas su presidente de su Comitadu de espertos de sa Carta, Stefan Oeter, at cunfirmadu su cuntributu de sa Carta pro sa protetzione de sos deretos de s’òmine in Europa. L’aiat giai naradu in ocasione de sa tzerimònia pro sos 60 annos de sa Cunventzione europea de sos deretos de s’òmine, su 19 de santugaine de su 2010, afirmende chi sa Carta cumpretat sa Cunventzione de sos deretos de s’òmine enuntziende deretos linguìsticos ispetzìficos. Est beru, ca sa limba est  s’elementu fundamentale chi assegurat sa fortza de una comunidade natzionale diferente, naramus nois! E si cherimus sighire a esistire comente natzione, devimeus gherrare contra a s’assimilatzione.

Tando, devimus gherrare totus pro custrìnghere s’istadu italianu a ratificare sa Carta. Totus? E in ue est su movimentu natzionale sardu? A dolu mannu non paret interessadu a custas batallas riformistas!

 


#Diegu Corràine

» in segus