bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: Pàrreres
cumpartzi custa noa cun sos amigos tuos invia mail stampa

Pàrreres


28/03/2011

E luego finas su piemontesu reconnotu e tuteladu comente limba dae sa lege 4822/99?

de Diegu Corràine

Comente giai aìamus naradu in un'àtera noa a propòsitu de su vènetu, sunt creschende sos chi si cherent reconnotos comente minoria e limba dae sa Lege 482/99 chi tutelat giai 12 minorias in intro de s’istadu italianu, pro prima su sardu.

Custa bia, no est sa Liga chi s'est mòvida ma est sa majoria e s'opositzione chi ant propostu una lege pro inclùdere in sa tutela de sa 482 finas su piemontesu: su torinesu Gianni Vernetti, deputadu de Alleanza per l'Italia, paris cun su collega de partidu Marco Calgaro, su vitzepresidente de sos deputados de su Pdl, su torinesu Osvaldo Napoli, su vertzellesu deputadu de su Pd Luigi Bobba, Giorgio Merlo, finas issu de su Pd e originàriu de Cavour, e su bergamascu de su Pdl Gianni Mancuso ant postu sa firma issoro a sa lege, pro su reconnoschimentu de su piemontesu comente "limba istòrica".

No est sa prima initziativa de sa Regione Piemonte in matèria. Giai in su1990 cun una lege regionale pro sa "valorizzazione e promozione dell'originale patrimonio linguistico piemontese" e cun òrdines de sa die, su Cussìgiu regionale at leadu initziativas in favore de su piemontesu.

A pàrrere de Vernetti, su piemontesu est faeddadu dae duos milliones e mesu de pessones, est cumpresu dae su 72% de sos residentes (chi sunt in favore de s’intrada de su piemontesu in iscola) e tenet literadura iscrita dae su sèculu 12.

No amus a èssere nois a gherrare contra a sa voluntade de sos piemontesos, ma si sighimus gosi, in s’istadu italianu ant a èssere totus minorias e limbas! E nos amus a cumbìnchere chi s’italianu siat sa limba de nemos, chi no esistit, chi non nos faghet perunu male! E imbetzes...


#Diegu Corràine

» in segus