bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


04/02/2016

PRÈMIU WAGNER DE LIMBA SARDA 2015 (TESIS DE LÀUREA IN/DE LIMBA SARDA)

DATA DE ISCADÈNTZIA: 31-7-2016

BANDU

Sa Sotziedade pro sa limba Sarda (cun su patronadu de Papiros Editziones), promotore e organizadore de s'Editzione 2015 de su CUNCURSU MAX LEOPOLD WAGNER DE LIMBA SARDA,
torrat a bandire su Cuncursu, ponende come data de iscadèntzia su 31.7.2016.

Su cuncursu tenet 2 setziones:
SETZIONE 1: Tesis in sardu de cada argumentu o facultade, Prèmiu 500 € /
SETZIONE 2: Tesis in cada limba de argumentu linguìsticu sardu, Prèmiu 500 €
Sa matessi tesi podet partetzipare petzi a una setzione. Sas tesis devent éssere istada discùtidas in sos ùrtimos 3 annos acadèmicos, in cale si siat universidade. Sas tesis de sa prima setzione devent giai resurtare comente iscritas TOTU IN SARDU in su mamentu de sa làurea. Non podent èssere presentadas Tesis giai presentadas in àteras editziones de su matessi Prèmiu.
Su testu cumpretu de sa tesi cheret imbiadu, intro de sa data de iscadèntzia, in formadu pdf a:
papiros.ed@gmail.com
cun totu sos datos personales, annu de làurea, indiritzu e numeru telefonicu. Sos partetzipantes ant a retzire una lìtera eletrònica chi cunfirmat sa cunsinna de sos documentos.

Sos organizadores s'impinnant a non divulgare sos traballos sena su permissu iscritu de s’autore.

Sa detzisione de sa giuria est insindicàbile.

DATA DE ISCADÈNTZIA: 31-7-2016


AUTOFINANTZIAMENTU DE SU PRÈMIU: Sa prima editzione de su Prèmiu est istada finantziada dae sa Comuna de Pasada. Pro custa segunda editzione, amus otentu in Internet s'agiudu de sos Donadores: “Altracultura” sotziedade cooperativa, Assòtziu Culturale “Àndala Noa”, Tonino Bassu, Cristianu Becciu, Lisandru Beccu, Antoni Boe Chiccone, Mario Carboni, Gianni Carta, Adrian Cescje, Diegu Corràine, Marcello Cucca, Francesco Cuccu, Andria Dettori, Martine Faedda, Clara Farina, Gabriele Farina, Antonia Fenu, Maria Floris, Sarvadore Floris, Federicu Francioni, Domìnighe Fumagalli, Giagu Ledda, Franco Marcello, Antoni Marchi, Attilio Mastino, Luz Méndez, Pitzente Migaleddu, Dàvide Mulas Marci, Pretu Murru, Davide Nurra, Maurizio Oggianu, Nino Pala, Larentu Palermo, Gianni Persico, Fabio Pillonca, Gianfranco Pinna, Maria Piras, Bachis Porru, Bibiana Salis, Fabio Solinas, Gianfranco Sollai, Antonello Spiggia, Frantzisca Spiggia, Gianluigi Stochino, Giuanna Tuffu. Amus otentu dae su 28 de abrile a sas primas dies de maju, 1344€, pro premiare sos binchidores de su CUNCURSU WAGNER, ed. 2015 e àteros gastos orgaanizativos.

Su presidente de sa Sotziedade pro sa Limba Sarda
Diegu Corràine

4/2/2016


#System Manager

» in segus