bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


26/11/2015

Un'iscola a colores cun su Printzipeddu

Cras, chenàbura 27 de custu mese in Tàtari

S’Istitutu Comprensivu Monte Rosello Bassu at ammaniadu pro chenàbura su 27 de santandria de su 2015 duas initziativas:
sa prima a sas 4 de borta de die (h 16) cun sa presentada de su “Printzipeddu” in limba sarda
e sa segunda a sas 5 e mesu de sero (h 17.30) cun sa projetzione de su cortometràgiu “Io bullo”.

Incumintzant a sas h 16 cun s’eventu "Un'iscola a colores cun su Printzipeddu" in sos locales de s’Iscola primària de pratza de Sacru Coro in ue b’at a èssere una Mustra dinàmica in ue s’ant a pòdere apretziare sos murales de su “Printzipeddu” cun sas iscritas in italianu e in sardu, fatos in sas paradas de s’iscola in s’àmbitu de su Progetu “Una Scuola a colori”.
Custu traballu l’ant fatu sos alunnos de sas classes 5ªA e 5ªC de s’Iscola Primària s’annu iscolàsticu coladu (2014/2015).

A pustis, in s’iscola mèdia de carrera de Pavese b’at a èssere sa presentada de su libru in limba sarda. At a abèrrere sos traballos su dirigente iscolàsticu Vittòrio Sanna, a pustis su diretore editoriale de Papiros Diegu Corràine at a faeddare de su traballu de tradutzione in sardu e in àteras limbas: tabarchinu, aligheresu, maltesu.

Ant a leare parte sos alunnos, sas mastras Francesca Pisano e Giùlia Scanu e su mastru Christian Castàngia chi ant a faeddare de su progetu “Una scuola a colori”.

A sighire a sas 5 e mesu de borta de die (h 17,30) semper in s’àula magna de s’iscola mèdia de carrera de Pavese b’at a èssere sa projetzione de su cortometràgiu “Io bullo”. Su cortometràgiu est iscussigiadu a sos pitzinnos chi no ant 12 annos. At a èssere presente su regista Christian  Castàngia.


#Diegu Corràine

» in segus