bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


23/10/2013

Rosa Colomer, diretora de TERMCAT in sos ùrtimos deghe annos, est mancada eris in Bartzellona

L'ammentamus comente amiga e esperta manna de terminologia. At dadu un'agiudu mannu finas a s'isvilupu de sa terminologia sarda, in sa teoria e in sa pràtica, in intro de s'Ufìtziu de sa Limba Sarda e de su Progetu Linmiter.

Rosa s'est dispedida dae sos familiares e dae sos amigos eris 22 de sanatugaine, a pustis de deghe meses de gherra contra a su male malu.

L'apo connota, annos e annos a como, in sa sede de TermCat, in Bartzellona, semper dispònìbile e aberta a sos problemas de ammodernamentu de limbas comente su sardu. 

In deghe annos de atividade comente diretora (dae cabudanni de su 2002 a nadale de su 2012), at sighidu a afortire s'Ente terminològicu catalanu, dipendente dae su Guvernu catalanu.

Semus cuntentos de àere imparadu meda a beru dae issa e dae sos collaboradores suos, cando deo fia diretore de s'ULS de sa provìntzia de Nùgoro e, pustis, de Ogiastra. E gràtzias a Rosa e a TermCat amus pòdidu redatare sa terminologia de s'Ambiente e de su Trasportu aèreu cun Linmiter e s'Unione Latina.

Nos as semper postu a disponimentu totu s'istrutura tècnica e sientìfica de TermCat, in Bartzellona, in Nùgoro e in Lanusè. Un'esperièntzia chi nos abbarrat semper in sa mente e in su coro, a mie e finas a sos maigos sardos chi l'ant connota.

Deus diat sa passèntzia a sos familiares e a sos amigos de TermCat de aguantare su dolore.

Chi paset in paghe.


#Diegu Corràine


» in segus