bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


16/10/2013

Giai colados 12 annos dae sas Normas iscritas de sa "Limba Sarda Unificada / LSU", in su caminu pro s'ufitzialidade prena de su sardu

UNU RESURTADU ISTÒRICU PRO SA LIMBA SARDA, chi l'at a assegurare fortza e presèntzia sotziale e territoriale, cun s'agiudu de totu sos Sardos.

Pro s'impreu "normale" e ufitziale de su sardu, in totu sos documentos e in totu sos àmbitos sotziales e territoriales: aministratzione, iscola, informatzione..., b’at bisòngiu chi sa Limba Sarda tèngiat finas una "norma linguìstica", duncas règulas iscritas de referèntzia (non 2, 3, 4, etc. normas diferentes).

Custa règula istandard , duncas, comente “forma de referèntzia” de sa Limba pro rapresentare (comente una “bandera”) in manera unitària (iscrita) sa diversidade reale (orale), est unu bisòngiu chi naschet dae sas propostas e òperas de Araolla (*1550? +1600?), Garipa (*1580 +1640), Madau (*1723 +1800), Cossu (*1739 +1837). 

Però, in època cuntemporànea, est sa comunidade de sos istudiosos e su guvernu sardu (1998>2006) chi at chertu chi sa limba sua non siat petzi mèdiu de comunicatzione sotziale ma finas territoriale e ufitziale.

Est gasi chi naschet sa cumissione de sa LSU, Limba Sarda Unificada, cun su primu incàrrigu (28-12-1998), sighidu dae su segundu incàrrigu (28-12-1999). Sa proposta definitiva essit a campu su 28-2-2001, a pustis de 21 riuniones de sa cumissione (formada dae E. Blasco, R. Bolognesi, D. Corraine, I. Delogu, A. Dettori, G. Paulis, M. Pittau, T. Rubattu, L. Sole, H.J. Wolf, M. Porru (segretàriu))(**) e prus de 120 oras de traballu fatu in Aristanis e Casteddu.

Pustis de sas polèmicas e de s'isperimentatzione de sa LSU, su presidente R. Soru aiat incarrigadu un'àtera cumissione, chi at a mendare, in fines, sa LSU, pustis de un’annu de riuniones, dende comente resurtadu  sa LSC Limba Sarda Comuna.

Sa LSC, erèditat totu sos argumentos tratados in sa LSU, inclùdidu  "LÈSSICU" e  "Lèssicu ereditàriu, terminologia, neologismos", chi duncas sunt istados atzetados dae sos membros de sa Cumissione: Puddu, Bolognesi, Pinna-Catte, Corraine, Lupinu, Paulis, Contini.

UNU RESURTADU ISTÒRICU PRO SA LIMBA SARDA, chi l'at a assegurare fortza e presèntzia sotziale e territoriale, cun s'agiudu de totu sos Sardos.

De su restu, ite b'at de malu si sa Limba Sarda si cuncordat una Norma unificada o una Norma Comuna?

# Diegu Corràine

................................

(**) FIRMAS DE SOS MEMBROS DE SA CUMMISSIONE DE SA LSU

......................................

Inoghe, su pdf de sa LSC

......................................


#System Manager

» in segus