bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


04/10/2013

5 de santugaine: Die mundiale de sos Dotzentes

Un'ocasione pro dare visibilidade a s'iscola in limba sarda

Su 5 de santugaine est sa Die mundiale de sos Dotzentes. Istituida dae s'Unesco in su 1994, la festant in totu su mundu cada 5 de santugaine, in iscola e in istitutziones educativas. Paris cun s'Unesco, collàborat finas s'Internatzionale de s'Educatzione.
A dolu mannu, est una Die pagu connota e pagu o nudda festada in Sardigna ma finas in Europa. Pessade chi in Itàlia ant programa du petzi duos eventos, unu in Ispagna, chimbe in Frantza,mduosmin sumRennu Unidu, unuminnGermània.

Ma diat èssere un'ocasione pro nois professores chi cherimus e imparamus a àtere sa limba sarda, de manofestare publicamente, paris cun àteros professores e maistros demsu mundu, sa funtzione fundamentale chi diat dèvere tènnere s'iscola in su progressu de sa limba nostra.

In pràtica, pro aderire a sa Die bastat a organizare unu eventu o medas e de lu comunicare a s'Unesco, pro intrare in su calendàriu de sa Die.

Pro ocannu, non semus resessidos a organizare nudda pro custa ocasione, sende chi diat èssere de utilidade manna a propònnere un'iscola in sardu, s'ùnica manera  de dare fortza a sa limba sarda in su mundu de s'educatzione.

Annoas, devimus èssere capatzos de imbentare unu o prus eventos, pro custa Die, chi siant capatzos de pònnere in pùblicu s'urgèntzia de un'iscola de/in sardu comente fundamentu pro torrare a sa soberania linguìstica chi nos tocat comente deretu istòricu, culturale e democràticu. Pro fraigare una "Iscola Nostra".


#Diegu Corràine

» in segus