bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


07/01/2013

PREMIADOS SOS BINCHIDORES de su CUNCURSU "ISCRIE UNA LITERA A SOS TRES RES", Editzione 21, annu 2013

In IRGOLI, ideadu dae sas Editziones Papiros e organizadu cun su patronadu de sa Comuna de Irgoli e de s'Unicef.

Eris domìniga 6 de ghennàrgiu, in IRGOLI, in sa Parròchia de Santo Nicola, b’at àpidu sa premiatzione de sa de 21 editziones de su prèmiu. Finas ocannu b’ant leadu parte prus de 550 alunnos de sas iscolas elementares de sa Sardigna, chi ant iscritu lìteras in sardu a sos Tres Res.

Custos sunt istados sos 20 premiados: Irgoli, Anita Flore / Bitzi, Istèvene Carta / Dorgali, Manuelle Cossu / Garteddi, Christian Murreddu / Samugheo, Monica Sanna  / Thiniscole, Alessandro Farris / Bitzi, Chircheddu Scanu / Lùvula, Piera Montanino / Orosei, Totore Loddo / Irgoli, Totore Ruiu / Talana, Marco Fronteddu / Irgoli, Deborah Golonai    / Bitzi, Sara Fancello / Tonara, Diletta Sau / Torpè, Andrea Ruiu / Tonara, Lidia Patta / Durgali, Filippo Monne  / Orosei, Anna Dessena / Garteddi, Loik Barel.
MENTZIONE ISPETZIALE PRO IMPINNU E PARTETZIPATZIONE: Otieri, Classe 3a A / Su Masu, Classe I /  Ilbono, CLASSE II.

A totus est istadu cunsinnadu un’istèrgiu prenu de tziculates, su libreddu cun sas Lìteras de su 2012 e libros in sardu.


Sa manifestatzione, pustis de sa missa de sas 10, l’at aberta su saludu de su sìndigu de Irgoli Giuanne Porcu, Toninu Bassu de sa sotziedade editoriale Papiros ideadore de su Cuncursu, su Presidente Unicef  Carlo Murgia e s’Assessore de sa Cultura Daniela Murru.

At coordinadu sa Premiatzione Mariolina Mannia, presidente  de Papiros.

A pustis chi sos premiados ant lèghidu sas lìteras issoro in dae in antis de unu pùblicu de prus de 400 pessones (babbos, maistras, parentes, pitzinnos), b’at àpidu unu pràngiu cun prus de 300 pessones, organizadu dae sa Leva 77.

No est mancada sa presèntzia de sos TRES RES, cun bestires colorados e lughentes!


#Diegu Corràine

» in segus