bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


28/10/2012

Su sardu non devet èssere una limba de sèrie B

S'assessore Milia iscriet a sos parlamentares sardos

S'assessore regionale  de s'Istrutzione Pùblica, Sergio Milia,  at imbiadu a sos parlamentares sardos  unu raportu  tècnicu-giurìdicu in ue b'at unas cantas propostas  de emendamentos a su Disinnu de Lege de ratìfica de sa Carta Europea de sas  lìmbas. Difatis, issu narat chi su testu aprovadu dae sa  Cummissione Afares Esteros de sa Càmera de sos deputados pagos meses a como  no est satisfatòriu pro su chi  pertocat  su gradu de defensa assinnadu a sa limba sarda, chi est cunsiderada comente una limba  de sèrie B. 

Su providimentu normativu  formalizat su fatu chi  s'Istadu Italianu privilègiat grados de defensa  artos pro  una cantas limbas, sustantzialmente protetas dae àteros tratados internatzionales (tedescu, islovenu, frantzesu e ladinu), e in su matessi tempus issèberat    grados de protetzione bassa pro sas àteras limbas reconnotas dae sa lege 482/99, in mesu de custas  sa limba sarda chi, non si devet ismentigare, est sa prus difusa, cun prus de unu millione de faeddadores atzertados e delimitados dae su Ministèriu de s'Internu e dae su Dipartimentu de sos Afares  Regionales cunforma a sa protzedura previdida dae s’art.3 de cussa lege.  

“Mi fùrrio a sos parlamentares nostros – at naradu  s’assessore Milia -  ca  b'at presse de fàghere un'interventu  coordinadu,  in vista de sa discussione e de s'aprovatzione, in sa Càmera e in su Senadu, de su  disinnu de lege de ratìfica  de sa Carta Europea  de sas limbas  Regionales e Minoritàrias. Amus fatu propostas cuncretas de modìfica de su testu  a pustis chi nos semus cunfrontados cun sos ufìtzios nostros. Semus in pessamentu – at agiuntu  Milia – ca de cuncretu finas a como  amus bidu petzi s'interventu  de su Deputadu Antoneddu Mereu, cun unu pàrrere cunditzionadu subra de s'oportunidade  de nche pònnere su sardu in su grustu de sas limbas prus amparadas. Pro su restu, semus isetende a bìdere comente andant sas cosas.”


#Sarvadore Serra

» in segus