bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


26/09/2012

Un'iscritore de gabbale si nch'est andadu: Giuanne Frantziscu Pintore

su 24 de cabudanni de su 2012

Sena chi nemos si l'aeret isetadu, Giuanne Frantziscu, nos nch'at lassadu. Deo e unos cantos amigos meos l'aìmus bidu in una riunione de sa cooperartiva Papiros, editore de custu situ, pròpiu sa chida colada. Fiat istadu su primu a arribbare, fiat cuntentu e alligru, aiat leadu parte a su cunfrontu in manera crara e lìbera, che a semper. Si nch'est andadu un'iscritore e unu giornalista de gabbale, chi in sos ùrtimos 40 annos est semper istadu in mesu de sos primos pessonàgios chi in Sardigna ant gherradu pro s'autodeterminatzione de sos Sardos, pro afortire sa cussèntzia e s'idea natzionale, pro una Repùblica sarda. S'elementu costante e s'issèberu nou de sa vida sua in custas dècadas coladas est semper istadu sa punna a ufitzializare sa limba sarda e a nde fàghere una limba moderna, addata a cale si siat impreu in sa sotziedade e in su territoriu.

At semper impreadu su sardu in sas òperas suas e in sa vida de cada die comente una limba natzionale, agiuende a la normativizare e a la normalizare. Una patriota, unu natzionalista sardu beru! Onore e ammnetu pro issu!


#Diegu Corràine

» in segus