bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


28/08/2012

Un'addòviu importante de sos rapresentantes de sas Natziones sena Istadu de Europa

L'ant fatu in custas dies in S'Alighera

Sunt istadas tres dies prenas, totus dedicadas  a limbas, literaduras, istòrias tziviles e polìticas,  problemàticas  econòmicas e assentos  istitutzionales  in dae in  antis de s'’Unione Europea. Dae su 24 a su 26 de austu, s’Hotel Catalunya de S'Alighera  at istrangiadu  sa prima   Cunferentzia Internatzionale de sas Natziones sena Istadu, ammaniada  dae s'Istitutu Bellieni  de Tàtari cun s'idea de pònnere a cunfrontu sos problemas e sas esperèntzias de sas Natziones  sena Istadu  de Europa.

Conxita Bosch, de sa  "Federació d'Entitats de la Mediterrània-Mare Nostrum",  at presentadu unu documentu redatadu dae sos rapresentantes  de Catalugna, Iscòtzia, Paisu Bascu, Irlanda e Còrsica in ue àugurant  pro sa Sardigna  unu protzessu polìticu e sotziale  chi cunduat a sa nàschida  de  unu Guvernu Soveranista.

Gavinu Sale, rapresentante de iRS,  at decraradu chi  «sa  Sardigna non podet èssere privada  dae s'Italia de sa parte tzentrale chi tenet  in su Mediterràneu  e in Europa, ma devet àere  una sugetividade internatzionale forte noa e devet pòdere elèghere in manera direta sos rapresentantes suos in su Parlamentu  Europeu».

Fiant presentes, in prus de Conxita Bosch e de GavinU Sale, su deputadu in su Parlamentu Iscotzesu  Humza Yousaf pro su  Scottish National Party, Jean Guy Talamoni,  deputadu corsicanu  e presidente de su su moimentu  indipendentista “Corsica Libera”, Giuanne Colli, segretàriu natzionale de su  Psd’Az, Jonn Andoni Lekue, de su dipartimentu  de sas relatziones internatzionales  de su Paisu Bascu, Uriel Bertran e Alfons Lopez Tena, deputados in su Parlamentu Catalanu  pro Solidaritat Catalana per la indipendenciaJordi Mirò, pro su CCSi -Comitè Català de Solidaritat internacionalista. S'addòviu at santzionadu sa nàschida  de una rete permanente de diàlogu  e collaboratzione intre sas organizatziones  e sos moimentos indipendentistas de Europa.

Cando sa cunferèntzia est agabbada,  sos esponentes de totu sas Natziones sena Istadu sunt istados istrangiados  dae su rapresentante de su Guvernu  de sa Generalitat Catalana, Joan Elies Adell Pitarch.


#Sarvadore Serra

» in segus