Noas

Su Secretàriu  Generale  de s'ONU, Ban Ki-moon, at dadu a su Segretàriu Generale Agiuntu  de sas Comunicatziones   e de s'Informatzione  Pùblica  nou, s'austrìacu Peter Launsky-Tieffenthal, s'incàrrigu de Coordinadore pro su Multilinguismu.

Ca est unu fatore essentziale  de sa comunicatzione  armoniosa intre sos pòpulos, su multilinguismu tenet  un'importàntzia particulare  pro sas Natziones  Unidas. Sigomente agiuat sa tolleràntzia, su multilinguismu assegurat  una partetzipatzione prus manna  e efetiva  de totus  in su traballu de s'Organizatzione. 

S'àrabu, su tzinesu, s'ispagnolu, su frantzesu, s'inglesu e su russu  sunt sos ses idiomas ufitziales  de sas Natzione  Unidas. Su frantzesu e s'inglesu sunt sos idiomas de traballu  de sa Segreteria de sas Natziones  Unidas e si impitant  in s'intercàmbiu  profesionale de cada die. S'echilìbriu intre sos idiomas ufitziales  est istadu semper unu pessamentu de totu sos Segretàrios  Generales. 

Custu nos faghet praghere. Est giustu chi in s'ONU non b'apat petzi una limba . Si nono, ite "natziones unidas" diant èssere? Nois isperamus, però, chi s'Organizatzione non s'interesset petzi de sas limbas mannas. In s'istadu italianu, pro nàrrere, b'at limbas comente su sardu, su catalanu,  su friulanu, s'otzitanu e àteras chi, imbetzes de andare a dae in antis, sunt arrischende de torrare a dae segus. Diat èssere giustu, tando, chi s'ONU, in s'atividade internatzionale sua,  pesset finas a custas chi sunt limbas de natziones sena istadu.