bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


12/07/2012

Presentada de su curretore ortogràficu sardu

Su 25 de trìulas in Casteddu

dae F. Cheratzu retzimus e publicamus:

mèrcuris, 25 de trìulas 2012, in sa sala de Biblioteca Regionale de viale Trieste 137 in Casteddu b'at a èssere sa presentada de su curretore ortogràficude sa Regione (CROS).

 

Si cumintzat a mangianu e at a sighire a borta de die cun su segundu seminàriu terminològicu.

 

A sas ùndighi (11.00) de mangianu: Presentada a s'imprenta de su progetu CROS.

Nd'ant a chistionare:

- on. Sergio Milia, Assessore a s'Istrutzione Pùblica e a sa Cultura;

- ing. Antoni Conti, Diretore Generale de s'Assessoradu.

 

A sas bator (16.00) de merie: Segundu seminàriu terminològicu e presentada de sas ainas informàticas in lìnia e iscrobada.

Ant a intervennere:

- Giosepe Coròngiu, s'impreu de sa limba in sas comunicatzione istitutzionale;

- Cristiano Becciu, chistiones abertas e propostas;

- Micheli Pinna, su CROS, dae un'aina pro s'amministratzione a un'aina pro totus;

- Roberto Bolognesi, su cuntributu de su CROS a s'evolutzione de sa limba;

- Diego Corraine, àteras ainas informàticas in agiudu de su sardu;

- Carlo Zoli, presentada de su CROS in lìnia;

- Frantziscu Cheratzu / Massimo Cireddu, presentada de sa versione iscrobada pro OpenOffice e LibreOffice.

 

At a sighire su dibatu cun interventos de sos operadores e de su pùblicu.

A s'agabbu de s'addòbiu s'at a creare unu grupu de traballu pro provare e megiorare s'aina informàtica.


#Sarvadore Serra

» in segus