bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


18/06/2012

Una mapa de sas natzionalidades de Europa

Est a puntu de la publicare su CIEMEN

Su  CIEMEN (Centre Internacional Escarrè per a les Minories Etniques e les Nacions),  editore  de sa rivista digitale  Nationalia, est a puntu de publicare una mapa chi mustrat sas identidades natzionales  printzipales in Europa , chi tèngiant Istadu pròpiu o nono. Sa mapa est su resurtadu de un'istùdiu   de un'annu e mesu chi at cumparadu dusinas de identidades natzionales cun s'anàlisi de ses grandu indicadores comunos: sa traditzione istòrica, sa cultura comuna, sa territorialidade, s'  autoafirmatzione de sos membros comente natzione, sa chirca de istitutziones polìticas e su  protzessu de costrutzione natzionale. Unos cantos datos chi sos giornalistas  de Nationalia ant collidu in sos ùrtimos annos  sunt istados impreados finas comente fonte de informatzione.

Sa mapa finale mustrat a fùrriu de   80 identidades natzionales printzipales, cando chi su nùmeru de Istados  de Europa petzi arribbat  a 50. In prus, in sa mapa b'at finas àteras  18 identidades chi non sunt cunsolidadas meda o chi sunt tropu reghentes.

Est sa de tres bias  chi su CIEMEN pùblicat una carta chi disinnat  sa mapa natzionale de Europa. Sa prima bia chi l'at fatu, in  s'agabbu de sa  dècada de su 1980, sa mapa at antetzipadu  sos cambiamentos profundos chi fiant a puntu de capitare in sas  URSS, Tzecoslovàchia e Iugoslàvia antigas

Un'impulsu finale pro finantziare sa mapa

Mancari chi su prus de sos costos  de custu istùdiu si los apat carrigados su CIEMEN etotu,  s'organizatzione tenet bisòngiu de un'impulsu finale pro finantziare sa mapa. Pro custu, su CIEMEN at detzisu de cumintzare una campagna de microfinantziamentu, a manera de collire su dinare netzessàriu pro imprentare sa mapa e cumpletare su pagamentu de su disinnu. Sa campagna  e totu s'informatzione  subra de sa mapa sunt tzentralizadas  cun su web de Verkami.


#Sarvadore Serra

» in segus