bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


08/03/2012

Sa gherra de sos innos

Su Partidu Sardu contra a s'innu italianu in iscola

"A pessare  de chèrrere impònnere pro lege s'insinnamentu  obligatòriu de s'innu de Mameli est una cosa  inatzetàbile e ridìcula, sa Sardigna tenet giai s'innu natzionale suo chi est  Procurade de moderare barones sa tirannia”. L'at naradu  su Segretàriu Natzionale de su Psd’az Giuanne Anghelu Colli, cummentende  su testu de su providimentu  ammaniadu  in cummissione Cultura de sa  Càmera  de sos Deputados chi previdet  chi dae su  2012-2013, in sas iscolas  de cada  òrdine e gradu, siant organizados  caminos didàticos e initziativas pro sugugiare  sa riflessione subra de sos eventos e su sinnificadu de su "risorgimento" e chi, in custu àmbitu, insinnent in sas  iscolas finas s'innu de Mameli.

Dae su segretàriu  de su partidu Sardu de Atzione  moet un'invitu a su Presidente de sa Regione sarda Cappellacci: “sa Sardigna  tenet s'òbligu  de difèndere s'unidade natzionale de su Pòpulu sardu – at naradu Colli -, chi mancu 150 annos de istòria italiana sunt resessidos a nche lu cantzellare, ponende in mesu de sos argumentu de cunfrontu  cun  s'Istadu italianu finas su de sa tutela de sa limba sarda. Mi iseto, duncas, chi sa  Regione sarda s'ativet deretu  in custus sensu, siat cun  s'adotzione de providimentos imediados  pro s'insinnamentu de s'istòria, de sa cultura e de sa limba  sarda in sas iscolas nostras – cuncruit Colli –, siat pro cumpletare su caminu normativu finalizadu  a s'adotzione  di Procurade de moderare barones sa tirannia comente innu ufitziale”.


#Sarvadore Serra

» in segus