bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


21/11/2011

Cuncursu Iscrie un lìtera a sos Tre Res

Ocannu est sa de binti editziones e si faghet in Garteddi

A sas pitzinnas e a sos pitzinnos de sas Iscolas Elementares de Sardigna

A sas maistras e a sos maistros

 

Ocannu, pro su de 20  annos, pro sa die de sa festa nostra, pro su 6 de ghennàrgiu de su 2012, organizamus su

CUNCURSU ISCRIE UNA LÌTERA  A SOS TRES RES

Su Cuncursu est pro sas iscolanas e sos iscolanos de sas iscolas elementares de totu sa Sardigna.

Sas Lìteras a sos Tres Res devent tratare, in sardu, argumentos chi istant a coro a sas pitzinnas e a sos pitzinnos de oe.

Sas lìteras devent arribbare a: SOS TRES RES, Comuna,

Assessoradu de sa Cultura, 08020 GARTEDDI (NU) ,

intro de su 18-12-2011 .

Ammentade·bos de iscrìere craru finas su nùmene e su sambenudau bostru, sa carrera e sa bidda in ue istades, su nùmeru telefònicu. In prus, tocat a iscrìere finas su nùmene e sambenadu de sa maistra o de su maistru, s’indiritzu suo e su nùmeru telefònicu.

A sos pitzinnos chi ant a iscrìere sas 20 lìteras prus bellas amus a lassare un’ammentu nostru. Custas lìteras ant a èssere premiadas e, paris cun sas àteras mègius, ant a èssere publicadas in unu libru.

Sos prèmios ant a èssere cunsinnados  in GARTEDDI , in ocasione de una festa manna de pitzinnas e pitzinnos, su 6-1-2012.

 

Garteddi, 17 de Santandria de su 2011

 

SOS TRES RES: GASPARRU, MERTZIORO, BALDASSARRU

..............

Organizadores: COMUNA DE GARTEDDI /  PAPIROS EDITZIONES  / UNICEF Comitadu provintziale de Nùgoro

 


#Sarvadore Serra

» in segus