bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


27/10/2011

Una die de istùdiu subra de sas relatziones sardu - catalanas

Su deghe de santandria, in Bartzellona

Unu mamentu de  riflessione a propòsitu de sos raportos, atuales  e istòricos, intre sa  Sardigna e sa Catalugna. Su deghe de santandria b'at in Bartzellona  una die de istùdiu  a fùrriu de sas relatziones  sardu-catalanas. Sa cosa l'ant ammaniada  sa Càtedra Unesco de Llengües i Educació de s'Institut Estudis Catalans e sa Càmera de cummèrtziu  italiana de Bartzellona, in collaboratzione cun su  Consoladu generale de Itàlia e s' Istitutu   italianu de cultura. Ant a analizare sos ligàmenes profundos, non culturales e linguìsticos ebbia, chi unint sos duos territòrios. Est prevìdida finas sa partetzipatzione de rapresentantes de livellu artu  de sas istitutziones polìticas, cummertziales e culturales rispetivas. In mesu de sos interventos in programa bi sunt sos de  Salvador Giner (Institut Estudis Catalans), Gratzianu Milia (Presidente de sa Provìntzia de Casteddu), Sene'n Florensa (Secretari general d'Afers Exteriors, Generalitat de Catalunya), Daniele Perico (Console Generale de  Itàlia in  Bartzellona), Mercedes Brey (presidente de sa Càmera de Cummèrtziu Italiana - Bartzellona). In s'arcu de sa die  sunt prevìdidas setziones monogràficas subra de istòria, cultura e traditziones, limba, e turismu, in ue ant a intervènnere Antoni Riera (Institut Estudis Catalans), Joan Armangue' (Universidade de Casteddu), Francesco Siciliano (Provìntzia de Casteddu), Robertu Bolognesi (Universidade de Amsterdam), Miquel A'ngel Pradilla (URV - IEC), Santiago Page's (diretore Turisme de Barcelona), Piero Comandini (Provìntzia de Casteddu).At a cuncruire s'addòviu  unu dibàtidu  subra de sos raportos Catalugna Sardigna, con interventos de  Gratzianu Milia (presidente de sa Provìntzia de Casteddu), Carlo Gallucci (cussigeri Càmera de Cummèrtziu  Italiana - Bartzellona/vitze diretore de ESADE), Germa' Bel (UB). Moderadore at a èssere  Salvatore Schirmo (diretore de s'Istitutu italianu de Cultura de Bartzellona).

 


#Sarvadore Serra

» in segus