bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


19/10/2011

Presentada de Lu mastru banditu/Su mastru bandidu

de Juvanna Tuffu

S’Ufìtziu de sa Limba Sarda de sa Provìntzia de Terranoa Tèmpiu paris cun s’Assessoradu a sa Cultura de sa Comuna de Tèmpiu, sas editziones Papiros e sa cooperativa Athena organizat pro giòvia 20 de santugaine a sas 15 de merie in su teatru de su Càrmene in Tèmpiu sa presentada  de su libru sardu-gadduresu Lu mastru banditu/ Su mastru bandidu de s’iscritore tempiesu Franco Fresi.

S’initziativa chi faghet parte de sa rassinna ligghjmu in gadduresu/ leghimus in sardu pertocat sas atividades de promotzione e de valorizatzione de su sardu e de su gadduresu e cheret mustrare comente s’impreu de una limba minoritària, comente su sardu o su gadduresu podet èssere “normale” non petzi in àmbitu familiare ma finas pro sa presentada de unu libru o de una pellìcula, o pro sas iscritas de impreu pùblicu comente locandinas e avisos, publitzidade, giornales o in àteros contestos formales.

In un’època in ue sas culturas e sas limbas minoritàrias arriscant belle de s’estìnghere, comente at denuntziadu carchi annu a como su Diretore Generale de s'Unesco Koichiro Matsuura, sas initziativas comente custas chi punnant a sa tutela de sas limbas minoritàrias sunt una manera importante de animare sa diversidade linguìstica e s’educatzione multilinguìstica.

A pustis de sos saludos de s’Assessore a sa Cultura de sa Comuna de Tèmpiu Roberto Cossu, s’initziativa at a èssere coordinada dae sa responsàbile de s’Ufìtziu Linguìsticu Provintziale Juvanna Tuffu e at a èssere presentada dae s’autore Franco Fresi e dae s’editore Diegu Corràine.

S’initziativa, in ue ant a partetzipare sos pitzinnos de s’iscola primària, at a èssere animada dae sas atoras Clara Farina e Mariantonietta Pirrigheddu chi ant a lèghere su contu in sardu e in gadduresu.

Sas initziativas imbenientes de sa rassinna ligghjmu in gadduresu/ leghimus in sardu sunt prevìdidas pro su mese de santandria e sunt custas:

-          su 3 in Locusantu,

-          su 10 Terranoa

-          su 11 in Badesi

                -       su 18 in Lungone

 

#Sarvadore Serra

» in segus