bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


04/12/2010

Tocat a dare a sa limba sarda una collocatzione normale e no ocasionale.

L'at naradu s'assessore regionale de s'Istrutzione Pùblica  Sergio Milia, presentende su programa de sa Cunferèntzia regionale  pro sa limba sarda

''Tocat a dare a sa limba sarda  una collocatzione normale e no ocasionale. Pro custu amus detzìdidu  de intitulare in custa manera sa Cunferèntzia: 'Una Limba Normale'.  L'at naradu  s'assessore regionale de  s'Istrutzione Pùbblica  Sergio Milia, presentende sa Conferèntzia Regionale de sa Limba sarda, in programa in Fonne dae su 9 a s'11 de nadale.
"In custu addòviu" - at agiuntu  Milia -  " ant a èssere presentadas  sas lìnias ghia  de su Programa triennale pro sa limba e sa cultura sarda, chi ant a interessare  progetos chi  diant solididade  a sas raighinas nostras, a sa traditzione nostra  e a sa limba nostra"

''Non cherimus chi s'impreu de su sardu - at craridu s'assessore - "abbarret limitadu a pagos giassos, semper prus minores, de sa Sardigna, in ue a fùrriu de su  70 pro chentu  de sa populatzione decrarat de connòschere  sa variedade linguìstica chi si faeddat in sa zona in ue istat, ma petzi su  13 pro chentu de sos pitzinnos arresonnat in sardu cun sos custrintos".

"Duncas  amus detzìdidu" - at agiuntu -   de punnare a s'istrutzione e a s'insinnamentu, cumintzende dae sas iscolas. Pro custu,  in un'addòviu in Roma  cun sos funtzionàrios de su Ministèriu de s'Istrutzione Pùblica  pro su progetu  'Iscola  digitale',  amus a pedire de nche pònnere, in mesu de sos argumentos sientìficos, finas sa limba sarda''.

 


#Sarvadore Serra

» in segus