bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


18/11/2010

Addòviu in Udine a propòsitu de minorias linguìsticas e imprenditoria

Limba e identidade podent èssere un'oportunidade in tèrmines econòmicos

Sas minorias linguìsticas de Europa si sunt cunfrontadas, in una cunferèntzia in Udine, subra de su tema de sos raportos intre minorias linguìsticas e imprenditoria.
S'addòviu l'ant organizadu sa Cooperativa "Informazione Friulana", Radio Onde Furlane, sa Regione Friuli Venezia Giulia e sa Càmera de Cummèrtziu de Udine.
Pro sa Sardigna at partetzipadu Antoni Innàssiu Garau, de sa Cooperativa "Altra Cultura", chi at faeddadu de s'imprenditoria in su campu de sos servìtzios linguìsticos.
Sos relatores sunt mòvidos dae sa cunstatatzione chi limba e identidade non sunt petzi unu valore e unu deretu fundamentale, ma podent èssere finas un'oportunidade in tèrmines econòmicos.
Lu prevident sos orientamentos prus avantzados in matèria de isvilupu, innovatzione e sustenibilidade,  lu cunfirmant esperièntzias imprenditoriales medas chi ant fatu, de su ligàmene intre limba, cultura e territòriu, unu fatore cumpetitivu autènticu
A cunfrontu, duncas, ideas, esperièntzias e prospetivas, intre cummertzializatzione territoriale e mèdios de informatzione, cummèrtziu e produtzione culturale, promotzione de sos produtos tìpicos e servìtzios linguìsticos: dae su Friuli a sa Sardigna, dae su Paisu Bascu a sas Baddes Ladinas, dae s'Istria a su Galles, dae sa Còrsica a sa Bretagna, dae s'Otzitània a sa Catalugna.

#Sarvadore Serra

» in segus