bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


11/11/2010

Ite fàghere pro sa limba sarda

Addòviu in sa Regione intre su Comitadu e s'assessore

Isetende a pònnere in caminu  su Programa  triennale pro sa Limba Sarda 2011-2013, s’assessore regionale  de s'Istrutzione pùblica  Sergio Milia s'est  bidu  cun una delegatzione de su Comitadu pro sa limba sarda

In rapresentàntzia de su Comitadu bi  fiant  Màriu Carboni, coordinadore  de s'organismu, Giuanne Frantziscu Pintore, Maria Antonedda Piga, Micheli Pinna e Antoni Maria Pala.

S'assessore at naradu chi est de acordu  a cumintzare  cun su Comitadu una programatzione sèria  de sas lìnias istratègicas de Regione in matèria de polìtica linguìstica.

“Est istadu un'addòviu positivu a beru  – at naradu, in unu comunicadu,   s’assessore  – in ue amus detzìdidu de mandare a dae in antis atziones comunas  in defensa de sa limba sarda, pro sa valorizatzione sua e pro un'arraigamentu culturale prus mannu”.

 “Unu de sos progetos prus a tèrmine curtzu, de cumpartzire  cun su presidente Cappellacci e sos àteros assessores – at agiuntu  Milia – at a interessare sa versione in limba sarda de su situ istitutzionale  de sa Regione , gasi comente sunt faghende  giai  in Catalugna e in  sos àteros paisos europeos  in ue b'at minorias linguìsticas”.

In s'ìnteri, no ant a istentare a amaniare sa Cunferèntzia regionale de sa  Limba Sarda, mèdiu importante de collegamentu intre sa  Regione, sos entes locales, sas Universidades , sas iscolas, sas  Suprintendèntzias  e sos operadores culturales de su territòriu .

#sarvadore serra

» in segus