bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


CURRELIMBA in moto

12-10-2008 / Addòviu de mototziclistas in Ogiastra in favore de sa limba sarda

Est una manifestatzione promòvida dae s´Ufìtziu de sa Limba Sarda de sa Provìntzia de s´Ogiastra pro pròmovere in totu sa provìntzia s´impreu pùblicu de su sardu.
In pràtica di tratat de difùndere in totu sas biddas  unu messàgiu chi ocannu est dedicadu a "Creschimus cun SOS ALIMENTOS DE SA TERRA NOSTRA". Tando si tratat de difèndere sa diversidade culturale e linguìstica ma finas su deretu a un´alimentatzione chi rispetet sa salude, s´ambiente e sa cultura locale.
MOTOTZICLISTAS de totu s´Ogiastra ant a mòvere a sas h 9.00  dae Iersu, Seui, Arbatassa, Foghesu pro s´addoviare a sas h 13 in Biddamanna e andare totu paris a Tortolì, in ue est organizadu su pranzu in sos locales de sa Cantina sotziale. In su caminu issoro ant a colare in sas biddas interessadas dae cada percursu.

In cada bidda ant  a atacare in sos locales pùblicos unu manifesteddu chi crarit pro ite est mègius a crèschere cun sos "limentos de sa terra nostra".

Sa manifestatzione contat cun s´agiudu de sa Cumissione atividades produtivas de sa Prov OG, de sa Cantina sotziale de Tortolì, sos Motoclub de Lanusè, Foghesu, Tortolì.

Ma chie si siat chi tèngiat una mototzicleta podet leare parte a sa manifestatzione. Però si nche devet marcare paghende una cuota de 10 èuros. Pro informatziones, telefonade a ULS/OG 0782-600931 in oràriu de ufìtziu, su mangianu.

#Sarvadore Serra

» in segus